ANDRES COAQUIRA QUISPE, 2014, Huacuyo, Manco Kapac.

TRANSCRIPCIÓN FONOLÓGICA

Aquí presentamos este material genuido de trancripción fonológica a partir de los materiales recopilados en cintas magnetofónicos. El único propósito es difundir la lengua aymara, mantener siempre vigoroso la voz, ahora escrita de los hablantes nativos que en su momento nos compartieron sus experiencias, que nunca se pierdan, que siempre se mantengan por la eternidad. Este trabajo servirá a cualquiera que tenga la motivación para emprender una investigación, ya que carecemos de un corpus lingüístico en aymara vía online, pues creemos llenar de algún modo ese vacío.

1.1. Informantes: Andrés Coaquira Quispe

1.2. Género: Hombre

1.3. Edad: 74 años “CD-005” / Cassette Lado B

1.4. Ocupación: Agricultor/a

1.5. Formación escolar: Inicial

1.6. Comunidad Huacuyo    

1.7. Zona: Ch’allapampa

1.8. Sección municipal: 1ra. Sección Copacabana  

1.9. Provincia Manco Kapac

1.10. Horas de grabación: 0:24:60:012        

1.11. Fecha: 21/AGO/2004

1.12. Entrevistador: Jorge Luis Coaquira    

1.13. Hojas transcritas: 14 hojas      

1.14. Tipo de informante: Informantes clave

1.15. Transcriptor: Jorge Luis Coaquira Condori

Inf.      Uka aptiriw sarañaxa, ukax arumaw sarañ ukaxa ukat aptaniwayasinxa ukax mä wayuchiruw waytaniwayaña, niq’i wayuchiru ukat apanxañax ukaxa. Panqar pilata willimpi ukax puriyanxañax, ukat awasirux purxatsixa. Suma yatirix chiqak puryatayix, jan suma yatiristi ukax janirakiw wakt’aykiti, janiw purxataykarakiti. Ukaw ukaxa, janipun purxatañ munxi ukhaxa. Yaqhipax sapxiwa “k’ayrawa anaksuña” sapxiwa, k’ayra liwsuratax, pero nayax janiw uka luririkti. (Entr. :…) jallu umak apanaqaptxa. Ukax apanaqañax ukax wayuchiruw aptanxañaxa, paris wayuchiru.

Entr.: Wawanakaw arunaqayaña sapxarakisa, kunjamas ukaxa.

Inf.:    Janiw ikxa yatktixa, ukxa achachilajax kuñtawayituwa. Wawanakaw suxtani u tunka payani anakthapisin arnaqayañ sapxiwa. Ispanakaw juk’am suma mayix sapxiwa, janiw piru uk nayax luririkti.

Entr.: (…) miqalaw manq’ q’ipisix sapxiwa; jayumpi wayk’ampix achasiñapuniw sapxiwa. Uka tuqinakatay arxayt’ita. Miqt’ayaña

Inf.:    ukax kuna lurañxatas, utata, yaputa u…

Entr.: Yaputuqitsti.

Inf.:    Yaputuqitx ukaxa. Nayraqatx qallt’amaw qullqi tuqita. Qullqituqitxa a gusto qalltaw lurt’ayasitax mä misa alt’ayasin ukax lurt’ayasita, sapa marasa ukax pä maratkipasa. Ukax qullqi utjañapataki. Agust qalltaw ukaxa, agust paxsin ukax paxspachapachaxay ukaxa. Jan wali paxsiw sapxiw ukaxa. Qalltaw nayax lurayasiritx ukat ukax qullqix justupak utjixa.  Uka qullqisti imasiñawa ch’iyar isiru, ch’iyar isiruw ukax chillt’asiña. Janitix ch’iyar isiru imaskataxa ina…ch’usarurakix luraskatax ukax justupatak qullqix utjix ukaxa. Agustu qalltaw ukax t’aqxatt’ayasitax qullqitakixa.

Yaputakisti Candilaryana (2 de febrero) ispirituna past’ayasirakitax, ukan ukax ukat yapux utjarakinixa. Ukax igualarakikix ukax sitix mä…mä meriya misitsa, mä missa lurt’ayasitax ukax cursi misa alt’ayasisina. Uka lut’ayasitax ukat past’ayasitaxa. Ukaw ukax sarapax, mä waxt’a.

Entr.: Utarusti kunjams yaqaptaxa.

Inf.:    Utarux ugualawa. Utaxa Kuntur mamani sistan ukaxa, ukax warmirakkiw ukaxa. Utanx ukapi ukax asta waxt’itay waxt’itay sasa qhana samkanxa luqch’ukitamxa. Ukax asta waxt’it sumpirs asch’ukitpaxa, yast ukax janix amtasxtatixa. Kuntur Mamanitx ukat ukax waxt’it sasa sixa. Saparmaw samkch’ukisix ukax yast lunawrasatix waxt’ayasxtax ukhax janiw ukax mayamps samkasxarakitatix, ukhamaw ukaxa (….).

Entr.: Kunats Kuntur Mamani sapxtaxa.

Inf.:    Ukaxa utjawisay ukaxa, ukanay jiwasax qamastanx ukx, ukat kuntur mamani sasx. Ukay jipxasistuy  mä kundurjama, ukaw sarawipaxa. Ukan qamastan ukaw ukax kuntur mamani sataxa, ukaw ukaxa. (…)Ukaw jipxaschistux ukaxa. Kawkits uta katuyapuniw juttanxa uw…ukaw ukax (…).

Sitix jumax jan wali chiqar puritax, janipuni uraqima utjkanixa. Mä jan wali phiruni chiqarux utt’askakismawa. Nayraqatax rist’asitawa. Padre nuistru rist’asisaw kirusinampi ch’allt’ataxa, uka saxranakakiw ukankixa. Ukakiw ukx lurarakix, uka ch’allt’asim ukhar utacht’sima. Jani criyxamt, janiw kunas paskatamti. Kuna phiruniskphasay qamasiskakitawa.Ukaw sarapax ukanxa. Janitx uka lurkatax kunayman, ni wawamaw jan jakkaniti ukhana, ukaw ukax sarax (…).

Entr.: (…) Kunarus miqala sapxixa.

Inf.:    Miqala ukx janiw nayaxa istkti, miqalaw apasiri sapxiwa. Janiw nayax ukx yaktixa. Uw…sapxiwa. Janiw ukx saraykarakti, uw…

Entr.: Achachil tuqitsti. Uka antawallaw sapxi ukkatsti.

Inf.:    “Antawalla” ukax sarnaqiwa phisi, phisiw sarnaqixa. Phisiru tukuxa ukax alts saranaqarakiw ukaxa. Akaratus, urus, arumas sarnaqaskakiwa. Ukax purixa phisikiw purixa, mäy uñatatasix purixa. Ukax uñtakasix wali, ukhax nayrapas llijllijtkakiy, ukaw ukaw altunam sarnaqixa. Ukaw achachil sapxïxa. Piru jumatix antawall satax puyrikiristam larphaña. Jumatix achachila satax janiw kamachkiristamsa. Ukaxa ukhamakiw ukaxa. Jumatix achachila satax janiw kamachkatphas saranaqañap sarnaqsiskix ukaxa. Peru wawanak apiya ukaxa. Qhanaw wawax jiwxi ukhaxa phisin raskjatjama jiwixa ukax achachilapi apaqxix ukaxa. Ukat ukhamax uka antawallax aparakiw wawaruxa (…). Ukaw jilapar jiwayixa. Ukatakiw kirusinamp difindiñax. Kirusiñaw wali khust’atax, ukatx wila gomanaka naskis ukhaxa jiwq’ixhapxi. Gumanak jiwq’ichapxi ukhamaw ukaxa ukampiw difindipxixa.

Nayra achachilanakasax sarayapxanwa sarapxataynawa. Ch’iyar anux uywasiñapuniwa sasa. Kunanawrasa jaqipax jiwxïxa ukuruw jaychkatxixa ukax lamar quta q’ipkataway sapxïwa. Ukax janiw  yatkti ni saraykaraktsa, ni ukx kunjamax q’ipkatchi ukxa. Ch’iyar aux uywasiñapuniw sapxiwa. Jiwx ukhax jaychkatxiy anurux ukhamanwa, peru janiw nayax sarayxti. (…). Yaqipax ch’iyar Phisis janiw uywasiñat siwa. Uywasiñaw siwa qullqi jat’xasix siwa, jat’xasiw siwa, ukax uywasiñaw siw ch’iyar phisixa. Ukaw sarapaxa.

Uka arkuyiris uka kurmirux  janiw wukuchañat, amparaw ñusaqasiri sapxíwa., piru, (…) wikuchaskiritwa, janiw rpu kamachasiriktsa. Ukax mä fïytapawa. Jumatix mä fïy katutaxa, mä crianza katutaxa lurasiy taqi kunasa, piru sitic jumax jan yaqkatax janiw kunas luraskiti, ukaw ukanx sarapaxa. Pero nayra achachilanakasaxa wali sarayanxa, ukx jiwasax armt’asxtanpi, ukx janis criyxtantix ukax janiy lurasxarakitix, sitix jan kuns ciykatax janiw luraskitix (…). Maytix kuns amtatax ukax lurapunitaya. Sitix jumax lurchï, janitx luchï, kamacharakï saskatax janiw kunas luraskaniti ukax mä fe, mä criyansarakiwa. Ukhamaw aka sarawinakaxa. Näx ukham amuyt’x ukxa. Piru achachilanakasax wali sarayapxänxa ukxa.

Inf:     Uñjawaytwa ukaxa chhaqhawayxiwa. Jichhax jilj taqpachapuniw chhaqhawayxixa. Sart’añaw nayraqat chinja churañaw mä tawaquru. Mä tawaqurux kawki awatiskipansa, kawk Coapacabana, kawki marakanak saraskipansa ukax arktasin ukax usar churañanwa. Chinjaña, ukax  chinj churix siwa ukaxa. Waynaw churañapax ukxa, phamiliapaw churañapax ukxa, janiw wayna pachpa churañapakiti. Mamapa u kullakapa churañapaxa, ukax mä chinja churañapaxa. Mä ruwkasphax ukhama ukaxa. Ukat yast mayampi, yast ukat ukax waynamp parlxi. Sart’xix, sart’xi ukhax mä pä kitarir (guitarrero) ruwt’asiwayi. Ukat sari ukax mä kantirimpi. Ukat ukx irsunxixa. Irpanqa ukat asta ¡muq’i¡ sasa arunaqasisa irpanxix ukax guitaririyan ukax qillqayiris irxix asta uka Coapacabana…uka kumri apachitanm irpxixa, ukat uka guitaririx kutt’anxix, kantiris ukat kutt’anxixa, ukhakamaw ukaxa. Kitaririsa kant’asita irpaqanxa. Ukhamaw nayra irpaqaxa. Jichhax ukxa isti ampar mayir sarañaw sapxïxa. Ukhamaw ukaxa, ukaw jichhax mayjakiptawayxix ukax “pedir la mano” ukaxix ukaxa. Ukhamaw nayra irpaqaxa. Ukax kantirimp saraña ukat qillqt’ayaniña. Ukat ukax pä simanatsti kasarasxaña ukat wastat mistsunxaña.

Inf.:    Uka kasarasiwinxa araqallpu, ara…qullqip phuxthuski ukax jalaqtixa jan walitaki, surtijampis uskunti uka misana, surtijatix p’akjatatti ukax jan walitaki, P’aksiwayi ukjax jiwañataki ukax watiwa. Ukax mä kupits p’akjtanxa ukanx ukax wakt’arakikiw, ukax jan waliñstskiwa. Ukax jan walt’añatakiwa ukanakaxa lurasixa. Kuna isipas chhaqxi ukax jan waliñataki ukax jaljtañatakiwa. Ukax wakt’apuniwa ukaxa.

Entr.: Kunarus Guitarir saptaxa.

Inf.:    Ukax charankut tukantix, charankut ukax tukt’asisay ukax (…) tukt’asix. Maynix guitarrar, maynix charankut jat’irpayix, maynix kantasa. Warmirakiy kantix ukaxa. “Irpastay irpastay” sasa ukax kantapas wali sumanay nayraxa. Ukat ukax irpast sasa apachitat khuysarux uñjataxaw sixa ukax “apur apuray rispachita”sasa ukax “liqiliqis liqtanxaniw, pukupukus puktanxaniw” sasa. Ukhamaw kantanxa ukaxa, ukhamaw kantapax ukaxa

Entr.: Kasarasirix kunjamans nayraxa. Ukxa amtpaxhataw jumaxa.

Inf.:    Kasarasiriy nayrax chhachax maya punchumpix pucht’ata, mä punch sukt’atampix kallachip patar jaqxatata ukhamaw ukaxa. Simanaw jani uka punchx apsusiñakänti. Simana pasxix ukhax risienaw apsusxapxänxa, ukahamaw ukaxa. Jichhax janiy, aliq ukhamakiy ukaxa. Ch’uspan añuntata. Pä puñchuninw ukaxa, ukat ukharux mä puñchuniskänwa, al ultimurux q’ala chhaqhawayxixa. Ni ch’uspas jichhax, yaqhipa inas utilisasipkchi. Yaqhipa  jichhax ch’usps utilisasipkarakiwa. Saco manqhar ukx, jamasarukiw apasxapxixa.

Entr.: Kunj punchuns samipaxa.

Inf.:    Samipax rusar punchunwa. Narankharu u rusar punchunw ukaxa. Ukhapuniñapaw kasarasiñatakixa, janiw ch’iyar puñchukaspati, ukax ukaw sarapaxa. Mä puñchux sukt’ata ukax kallach  patar jaqxat’atakiwa.

Entr.: Paypachay rusarañapanxa.

Inf.:    Paypachas, mayas rusaraphan, mayasxa narankharupas ukax paypach rusaraphas, ukax paypach narankharupas ukax janiw impurtkitixa, payak payaphaxa. Warmix ukhamaraki awayt’at ukhama ch’uqaqt’asit ukhama. Ukhamaw ukaxa. Siman intiruw qamix ukhampacha. Sinti lupiskphasa ukax janiw apsusiñati. Sitix apsusitax padrinux jawk’antiwa ukaruxa. Janit kaskitat sasaw jawq’antixa. Ukham, ukham kustumripuniw ukaxa. Jichhax chhaqhawayxiw ukaxa.

Entr.: Ukat kawkhats nayrax jaqichasipxirïnxa.

Inf.:    Copacabanarupuniw sarapxirinxa. Jichhax kawkir istansanakans jaqichasxapxakiwa. Copacabanarupiniw sarapxirinxa.

Entr.: Kuna alay sarappachanxa, jan ukax kunjamapachansa.

Inf.:    Alwaw sarapxirïnxa. Utat ch’amakapuniw nina wiyanpixay ipsuwayirichixa. Pä nina wiyirimpi, janiw mayakiñapakit ukaxa. Jaljtiriw siwa. Ukat ukax pä nina wiyax janiw jiwayañakit kuntinuamintipuniw nakhaskañapax ukaxa. (…) ruwt’ataw ukax uka pä nina wiyirixa.

Entr.: Kunarus wiyapxanxa.

Inf.:    Ukax wichhuruy wiyapxixa ukax waña jichhu q’ipxarusiwayapxi, niya jiwirjamaxix wiyaqxix, niya jiwijamaxix mayar wiyaqawayxixa. Ukhama ukax sarixa aurmaw mistsuwayixa. Awisax  irpaqawayix chiqa irpixa, awisax utaruw puriyasiwayki ukat irpaskixa. Ukahmaw ukaxa.

Entr.: Kunjams apapxanxa. Kunarus lap’a khumupaw sasax sapxänxa.

Inf.:    Ukax rispinsirapay khumt’at sarix ukaruw ukax lap’a khumupaw sapxïxa. Ukakiw ukaxa (…).

Entr.: Ukatxa iwxa arunakasti

Inf.:    Ukax ixwa arunakaxa padrinuw ixwt’ix ukaxa. Parinuw ixwt’añapa. Puriyanxi, misat purinxi ukhat mä chhusi jant’akt’i patiyuru ukat ukaruw inti lajsu uñtat qillpirayi, ukaruw awkiw nayraqata ixwt’i ukat parawuyna sataw ukaxa. Uka jichhax parawuynx churix sapxixa. Parawuynaw uk churix suma saranaqañapataki. Ukaw ukax parawuyna sataxa.

Entr.: Kunas ukaxa.

Inf.:    Ukax ixwanaka. Ukax akhäma sarnaqataxa, jaqixtaw jichhürutxa, jach’a tamar mantataxtaw, janiw yuqallaxtas ni imillaxtas, jichhax miriraruw sarnaqxapxata ixwt’ixa. Nayrax Awki akharux tayk…ukharux warmintatapa ukhamarak mamapas ixwt’araki. Parinuw  ixwt’i ukahrux, ukharux araparunus ixwt’i ukhama. Ukat ukhaxa enemigonakamas phisimp anump thuqhuyix walxa, ukat ukax ukham saranaqañapataki, khaw kuna jan apanaqat platunak, ariplatuw sapxiw mach’aq platunak p’akjapx phuks uk uñtasina. Uka pensamientump pakjapx ukx ukax walt’apuniw ukaxa.

Entr.: Ukat irpaqa utqitsti

Inf.:    Irpaqirix sarapxïwa parin ruwt’asiwayasina, irpaqirix sarapxïxa. Niya kirataxchixay ukhaw juthax sasxa. Ukat ukhaw sar’tasinx irpaqanxixa, ukatx uka layluy ukax má guitar, pä guitarrir ruwt’asiwayi, mä kantirimp ukampiw irpaqanxixa. Ukax khä siwrara markansa ukax siguiskiw ukaxa. Aka campunakan ukax aliq chikthapisin kasarasxap ukat ukax mayajaptawayxiw ukaxa, ukat chhaqhañ munxi ukaxa jilapartiw ukanakx jan sarayxiti.

Entr.: Jichhax arxayt’itasmati aka Huacuyo markanx qhachwax utjanti.

Inf.:    Qhachwañax utjanwa. Qhachwañax kunawrasatix jawasax k’ichthapitaxi ukhawa jawasa taqiñatakiw aywthapipxi. Ukax mä ayninwa ukaxa. Ayni, aywthapisin ukaxa takipxix ukx asta k’ant’asis ukhamaw ukx taqipxix, ukat riskanst’apxaraki ukhamawa. Kuna phus phust’xarupxix, kuna guitars yatipxix uka tukt’asipxaraki. Tukt’asisaw ukx, ukax llamp’u sarayxapxixa. Ukanw qhachwañaxa.

Mayax utjarakinwa usurinakaru  ukax wila, wilt’iriw sarapxarakix ukanw ukax jalayasiñanaka jalayasipxi, uñanaqañ laykuxa. Ukan ukax mä qhachwjam lurapxarakikix, ukan mayat maya jalayasipxi ukax kuñtunakjam lurapxaraki ukax ukarakir ukaxa. Ukaruw qhachwañ sapxaraki.

Entr.: Ukat uka qhachwanx khitinakas ukankaspanxa.

Inf.: Tawaqunakampi waynuchunakampiw ukankixa.

Entr.: Janiy mä aykix ukankkasphatix

Inf.:    Munirix saraskakispaw ukarux janiw khitis sarkaspatix, yamas mamanakax (…) wawa usuki ukhaxa, ukhax obligacionay sarañapax, phamilianakapas ukaxa. Ukham ukax jichhax chaqxiwa. (…) Ukarux qhachwa sapxarakiwa. Jawas takiñaw qhachwa satax khaya quta khukhat tuqinakanx sarayasipkiw jichhhaxa, aksanak chaqxix ukaxa. Nayax jisk’a waynuchuskayäta ukhakamax utjaskanwa ukax, ukat chhaqhawayxiwa. Ukaw qhachwañ sataxa. Ukax arumaw, ukax  janiw urukit (…) kunawrasaskasphas  ukaxa (…) Qhachwir sarañ may aywthapipx ukhax jawas takir sarañan siskasphas ukhamaw ukaxa, ayniw ukaxa, maynitakiraki mä jayp’u, maynitakiraki mä jayp’u ukhamaw ukaxa.  Waljaxay jawasax achchinxa.

Entr.: Qamaqi chakut arxayt’ita.

Inf.:    Suru chakuxa utjanwa nayra patrón timpu. Mä tam iwijaxa kimsa patakanwa, ukxa uyunakar mantasinxa manq’aranwa ukatwa surxa jan uñjanxa uñjapxanxa, ukaw ukaxa  chakuña sataxa. Ukharux kachiña kawkharus jark’thapiñax uka. Akanxa utjanwa khä…Qisanani, Wila jaqhi, uka pä chiqapuniw ukax. Aka Kantampi, uka kimsa chiqawa, ukharuw muyuntapxana, jak’thapipxana ukaruw kachiña sañaxa. Sorro kachiw sata (…) mä chilar jark’thapiña ukhaman ukaxa. Suru katupxanxa ukhama ukaxa. Ukaxa ukatakixa. Janiw ukax ukhamaki katuyaskiti, ukatakix ukaxa Jilaqata, Mayurdumu, Kampunakamp ukawa misanakatxa martis viernisaw ukx chakuñapaxa. Ukhatakiw misanakamp priparawayapxi, achachilar pajayapxi. Ukat katjayasix, janitix pajaykatax janiw katuyaskit ukaxa. Ukhamat katuyapxänxa uka surunakxa. Jiwarayapanxa jan asinta iwija gastañapataki ukx jiwarayapxanxa.

Entr.: Ukhamax patrunay uñxtayawaypachax ukxa.

Inf.:    Patrunaw uñstayawaypacha ukxa, janiw khitin uñstayataps yatkti. Patrunaw uñstayawaypacha. Inas achachilanakasax yatipunchina uakt patrunanakaru awisapxasp?ana, juk’amp uñstayawayaspanxa. Ukax mä  uwligasionanwa ukaxa katuñax, asintatakix ukaw lurañanxa. Asta pastu jark’añatakis “wank’u katuñawa”. Wank’u katuñaw sasa ukax tampuras tan-tin-tun, tan-t’in-tun tampurt’asisa, kurnitamp kurnitch’ukisa ukhamaw katupxanxa.

Entr.: Ukhamax wank’ux katuñarakkinaya

Inf.:    Ukax katuñarakinwa ukax jan pastu pirtiskañapatakix, takschixay wank’ux, chhuxupampixay  liju pirtsuychix ukat ukax katuñarakkinwa. Wank’u katu, Suru chaku ukaw utjanxa.

Entr.: Kuna Pachana suru chkupxänxa

Inf.:    Surux chakuñanwa aka 29 de octubre, San Miguel ukhawa septiembre, mejor richu septiembre, 29 de septiembre ukhaw ukax, San Miguel ukhapuniwa. Ukhapuniw ukax timpt’ix, ananaqi ukhaxa, anux kamisas ananaqix ukhamaw ukax ananaqix ukhaxa. Urqux Qhaphiyat juti siwa. Urqux mä truppachaw jutix siwa, ukaw uka qachu surunakar injerawaypacha ukaxa. Uk pasxipanx sarxarakpachax ukaxa. Ukhaw timpupax ukat ukax lukuptataw tutuknaqix, ukhax janipuniw jaqs axsarkitixa. Ukat ukha timpux katuxa. Yaqha timpusti jayat jaqitakix t’ijtxix, jaqitakix t’ijtxixa, axsariw ukat ukax jaqitakix, ukat jan katkitixa. Yaqha timpux katusphaw, uka yapu ch’uxña timpuxa. Achachilan anupachixay ukaxa, yapunakarux juyphintayasphawa ukat ukax jan phastiryañakiti uka timpuxa. Uka timpux, surru katuñ ukhax san miguel ukhax uka janiw, japux apthapitachixay, apthapitay janixay kuna yapus utjchitix, ch’usa apthapitay, uraqinqaskchixay kuna satatasa. Ukat ukha timpux satañax ukhax janipi kuns lurkitix (…) uka kunkimpiw ukx katupxixa. Jichha sanan katxapxi.

Entr.: Jichha sanan katjapxi ukx kharsxapxitti.  Ukx kamachapxansa.

Inf.:    yä, ukax katjapxiwa. Asint timpunxa patrunatakiw katupxixa. Jichha patrón sarxanx ukhatx katutaskanwa. Ukax maya katjapxix liju kharinuqxasipxixa, asta maysk’a aychsa, asta lip’ichipamsa, wilapams ukhax juchhantrapxiwa. Ukax wali qullaw ukax, wali qullaw ukaxa, Suru aycha maq’iriki ukax janiy khits axsarkaspatix ukax, mä sicrituw ukaxa. Suru wich’inkh yamas ukax jila alaniwa. Mä suru wich’ink nayax aljawatx kiñintus wuliwianuruw, kustiw ukaxa. Waliwa ukax piluta anatañataki, guirar sarañataki, cuartilar sarañataki.  Suru wich’inkhamp mä rayu walamp uka apt’atayatatix janiw kuna kamachkatamtixa, ukaw ukan sicritupax surunx ukaxa. Piru jakkipan apaqañamax, sitix para el amur sasa munasiñatak apaqatax ukax walt’ayapuniw, sitix para el trawaju sasa apaqatax, tarwajutakipuniwa. Sitix para el niguysu niguysutakirakiwa. Jakaskipan ukax sutiñchañaxa. Niyatix jiwatat apaqatax janiw ukax walixiti, inas criyisin ukat walt’ayarakchispa, peru jakkiriru  jakapachjatat apaqasitax wali khust’atapuniw, chiqt’ayapuniw ukaxa. Ukaw u ukax sicritupax jupanxa.

Entr.: Nayrapachan katjapxan ukax…

Inf.:    Katjapxan ukhax parunatakkiw apxapxanxa.  Uka patrunaw ukx khariyasiskirixa.

Entr.: Lip’ichip kamachpxirisa.

Inf.:    Ukaxa kamachapxapunirichix ukaxa. Lip’ichix ukham arkuntataskiriwa. Paqallqu mänx apasisinkiritxa, ukat ukx aljarasiwayxarakt. Ukx jupax khariyasiskchi, aychapx manq’askchi kamachakchi. Piru patrón sarxi ukatx jaqix jaqix janiw pirtxitix, maysk’akamak uñjxpxix, ratukiw kharinuqapxix, nus kuna kunataki walichi. Nasaps apaqapxi, jiñchs apaqapxi, wich’inks, wich’inks apaqi. Qutunakaps apaqapxi. Qutunakapax arkirutakiw wali sasa, amparanaks apaqapxi ukahamw apaqapxi. Janiw piru ukiriw näx sum saraykti. (…) mä ratukiw ch’us piljapxiri. Wilap aliqas usuninakax phuxtasin aliqas umanti, ukax chuyma usutakiw sasa. Khusa qullay…uka aychap manq’irix janiykuns axsarkitixa. Arumas saraskakispaw, kawks saraskakispaw, janiw khits axsarkaspati, ukhamaw ukax suru aych manq’irixa.

Entr.: Kuna pachas chhaqhawayxixa. Jichhax sanan, kunats chhaqxarakixa.

Inf.:    Ukax mä kims pusi marach ukhaw chhaqxix, ukhakamaw siguiskanw ukaxa. Suru chaku sataw ukaxa siguiskan ukaxa. Pusi marapaxhaw ukhaw chhaqhawayxix ukaxa. Ukax liyinak apsxapxix uka aka utjirinakax jan jiwayataskphant, animalanakax arxatatapan sixa ukat chhaqxix, ukat ukax pruywiruxix ukhat katuñax, ukat jan katutaxitixa. Jan katutax janirakiw jaqiruxa phastirxiti, ukax mä wingansas armasin ukaxa. Nayra tatanakasa ukax katupchi piwuraw ukax uyunakaru mantasin manq’arana. Jichhax jan katxtan ukatxa janiw ni khitins manq’sutax tant parlasxit, ni khitis awisxituti ukham maq’arxi sasa, mas win anuw maq’arx sapxiwa. Janiw ukhat phastiryxit, mä wingasiw surruxa jiwasat juk’amp yatixa. Jiwasaw thakhit saranukuwaytan,  suruti enemigusanan intonsis ukatx jiwasaw saranukuwaytan ukhat surux maysar thakhip sarawayxi. Jiwasax maysarurak thakhit saranukuwayxtan, ukat enemigutan,  ukat jan jak’asiñ munxtantixa. Jan ukax nayrax surux suma amigun, kamis aux amigux jall ukhama amiguchinxay, ukat ugual yatiniñanichiyatanxa ukata.

Entr.: Kunats ukat qamaqirux paqallq chuymaniw sapxixa.

Inf.:    paqallq chuymanipuniw, paqallqu, suxtaxa akch’itkamakiwa. Qhawqha qullunikitix ukha qullunpachaskiw ukaxa, mayaw jach’pachitaxa, ukampix paqallq chuymanipuniwa. Qamaq chuymax paqallq t’ixsutaw, chuymapaxa, Paqallqupuniw chuymapaxa. Iwijanxa mayakichixaya. Paqallq ukhaw ukankixa. Maya jach’pacha, suxtax jisk’pachkamakiw ukaxa. Paqallq chuymanispuniskiwa ukaxa. Uka chuym näx qhuthuqiyasinx umiritwa, ukax wali khusaw siwa. Kuns yatjakismaw sisa (…).

Entr.: Nayrax sikurinakaw utjirix sarakisa, uka tuqitay arxayt’itaxa.

Inf.:    Näyrax utjan achachilanakaxa kuñtawayituw nayaruxa: “Nayra aka jistan jichhax Dios tataw sistanxa ukax, inas ukaxa ispañulanakax arkanaqchina ukat ukaxa, no si, siwar qhap’iskan sasjamakiw si. Ukay ukax Dios tatas pasawaychi, ukat diablonakaw juthatay siwa. Kawkharus sarix uka jaqix sasa. Ukat aka siwar qhap’irapisk ukhaw pasawayix sasa. Ukax siwarax ratukiw ch’uxñaxatayna siwa ukhaxa”. No si uka timput uka jaqinakaw thuqpachanxa, uka suldadunakaw, uka ispñul jaqinakaw ukxa puriyaniwaypachaxa. (…) janiw sikurix näyra saratapakiti, ukax ispañulanakan sarapatapaw ukaxa. Ukat ukax uka kart isinakampi ist’asisin thuqhupxanxa.

Entr.: Kunjams isisipxanxa.

Inf.:    Kamisatix suldadunakax jichhax pallapallax siwrar markanakanx sarnaqasipkix uka pachpa isimp ist’ataw thuqhupxänxa, ukham isintasisaw tuhqhupxixa.

Entr.: Ukax kuna pachjamasa.

Inf.:    Ukax semana santa ukhaw thuqhupxixa. Simana Santa ukx thuqhupxix ukaw lunisat qallti; lunis, martis, mierculis, juywis, minus virnis. Sawaruw pasku uruxixa, ukhaw ukaxa thuqhuxa. Sapa maraw ukhaw thuqhuxa. Ukax niyaw mä kmsa marach ukhakiw ukax chaqhaskarakpacha. Ukax chhaqxarakkiw ukaxa.

Entr.: (…) Kuntakis sikupxanxa.

Inf.:    Pallapalla sikupxanxa mä uka simana santanxa Dios tatay jakatatchi, jaktayxanäni sasa, uka amtampi ukax lurapxanxa, ukax jaktxiw sasa. Sawaruw jaktxix, ukat sawaruw thuqhupxanxa uka amtampiwa ukaxa phistachapxanxa. Mä tawaqu u mä waynuchu ukaw ukx pasañapanxa, kuna sitinisa, ukx armt’xtwa Entr.: Janit rawunaki Inf.: Janiw yaqhapuniwa. Ukaw manq’ payix arumatakix, ukaw maq’ayix, maq’ayañaw ukaxa. Qhipha maranakax ukax janiw khithi manq’ayiris utxanti. Aliqakiw thuqxapxix. Ukax suna suna ukax asta aywthapisin tirasxapxix ukaxa. Janiy pirmirux pasantiniw ukaxa.

Entr.: Ukat ukax rawunaw sasa ist’iritxa, ukax kunansa.

Inf.:    Ukax, ukax warmiw rawunaxa. Ukax isisxix sumpirux k’uljtata, pullirax alriwis tuqit pullirt’ata thuqhxix, ukax sultarunakampi sikt’asit ukax rawunas wayt’asita ukax may irptasin thuqhxixa. Ukaw ukax rawun sataxa. Warminakaw taypin thuqhux, ukaw rawunaxa.

Entr.:  Janiy taqinix rawunanikantix, ukax mä qhawqhanikinay, janicha.

Inf.:    (…) Tawaqunakax waljani munix ukax waljaniy thuqhux, mä qawqhanikitix  qawqhanikiya. Yaqhip sunanakan waljani, yaqhipanakansti juk’aniki. Rawunanipuninw näyrax, rawunanipuninwa. Casarus sultiras thuqhuskakiw ukanxa, thuqhuskakiw janiw sultirkamakikanti ukanxa rawunanakaxa. Ukar rawuna sataxa. (…). Ukax ukhamaw rawunax, riwsun t’irintata, ukax jan uñtkaya. uKax jan uñt’ayasiñataki, sumpirux kuljtat asxatat, ukan khakhantat ukax alriwisat pullirt’at ukhamaw ukax thuqhux u…ruyrax patankiw ukaxa.

Entr.: (…) Sikupxixa, uka sikux apañapuniw anchanchun chiqar sasa.

Inf.:    ukaxa apañawa kawkhatix wali añchañchunixa ukharuw apañaxa. Jayp’, mä jayp’uw apataxa, sañani mä mä misa, dulsi  martis jayp’u u virnis jayp’uw apataxa. Mä misa, dulsi misa alt’asin ukxa mä yatiriruwpripart’ayawayata ukxa. Uka apataxa intix niya qullu puntar jalarantawaykix ukhaw uk, uka wali phirunikix, kawkhantix umax wali altut thuqxatkix ukharuw (…) kunjamtix sisktanxa ukhama ch’umt’ataxa. Ukat jichhax ukhar may misxa paskatayatax ukax niyaw intix niya qullu phuntaru mantarantix jayp’jax, ukaw paskatayawayata. Ukatw jaya chiqar jaltasin ist’ataxa. Ukatx kuna musikxay amtstax uka pallapall musikx ukpin tukantix ukjanxa. Ukpuni ist’atax, tukkasphas ukhampuniwa. Ukaxa ist’askis, ist’askasmas ukhamw ist’asixa. Janir tukkix tukuyañatakixa, ukax yatstanxay  qawqcha timpus tukañax ukxa, janir tukkix tukuykipan  may jalantasin, may apthapisiniwayxataxa. Ukat jutxata, jaqhi phuntanakat  ukax mä wichhuw utji, yaqha kasta  uk aptaniwayata. Ukat quta umamp uk wallaqhiyasin uk aytirt’ata, yast ukatx ina jasakiw sikt’ataxa. Justupakiw kantxixa ukaxa. Janitix uk lurkatax  ñachthapisiw ampars akhamaru. Suku apt’ataxay sikstaxa ukhamaru, ukatx janiw ayaqasiñ puykatati, ñachjasiw siw ukaxa. Ukham ukax jan amtkat ukhax wali qhulu sikuñax ni arskis akhamaw ukax sarapaxa. (…9 intix qullu puntar mantarantawaykix ukhaw ukax paskatayaña. Nanqha anchanchun chiqar apañaw ukaxa. Ukaw sirinayaña sataw ukaxa. Näx llusq’aruw apiritxa, khä Wilin llusq’aruw apiritxa. Trupajax utjanwa. Ukat ukx mä yatirir lurt’ayawayasin ukx apiritxa. Per yatirimp sarañax ukarux, ukat ukarux paskatayaña ukat ukax apanxaña. Arumaw purinxiritx sikus q’ipt’asita, ukat ukax quta umampi. Qutax wal qhulluqix ukaxa. Jaqhi phuntanakan  chiww…chiww…sasa chiwunkiskx jisk’a wichhunakax, ukaw aptasin ukax ukamp wallxtayasinaw ukampiw  aytirañax sikux, ukat wali jasakixa. Justupakiw kantxix ukaxa. Ukaw sarapaxa. (…) Jan luratax ñachthapisiwa, janiw jakintayaskitix ni sikus arskitixa, ukam lurasix ukaxa.

Entr.: Nayrax aka Wak’a Uyu markanxa kuna phusasa utjanxa (…).

Inf.:    Phistax utjanxa aka Natiwirarana, mayax rusayruna utjanxa. Uka paya phistay utjanxa. Mayax ixsaltasiyunan kun utjan siwa, ukax chhaqxiwa. Ukaxa patrunanakarakkiw uwlijix phista pasam sasxa, ukatx jan ukax patrunanakarux yaqipax jikxatxasphanwa, kamisas aka Ajananin utjana maynix Dionicio Tito sataw ukaxa walja asintaru satanwa, walja wakani, patrunanarux jikxatxapuninwa. Ukat rijimintu Loampixay ukx apanukuyxchix, ukx utaps phichkatayawayxi ukhama. Jani jupar jikxatayasiñatakiw ukx phista pasañax uwlijaturix, ukx patrunanakaw uskunxa. Ukat uka phistxa, uka phista, uka phista partinuqasisin, ukax nänx siptimrinaniwa. Maynx ukax maysaxaru yaqha phistanakarakiniw ukxa, ukat ukx wakthapiyapipxataynaxa. Yakat ukax phitachayapxanxa.

Ukat mayx jiwasanx uchuri siptimrinwa (8 de septiembre), ukax mayax dies de octuwrinwa (10 de octubre). Uka pä phistaw utjanxa. Rusayru u natiwirara.

Entr.: Kunsa ukanx thuqhupxänxa

Inf.:    Ukanx thuqhupxanwa nayrax qinaqina, sikuri ukatx uka thuqhupxänxa, ukat qhipa maranakat murinuw uñstxi, ukat murinu thuqxapxana. Ukharuw llamirara kuna kullaws thuqxapxarakina, ukham thuqhupxanxa.

Entr.: Aka wakuyu markanx kuna thuqhus näyra, näyra thuqhupunixa.

Inf.:    Näyra thuqhux pinkilluy, utachawinakansa tarqa, phun phunant’askaña ukanakaya utjanx thuqhuwixa. Ukaw näyra thuqhunakaxa. Ukax timpun timpuninw, janiw kuna ratus ukax tarqs thuqkitixa. Karnawal timpuy tarqx thuqhux uw… Mäsk’ak pinkill phusant’askiritha.

Entr.: Pinkillsti kuna Pachano phusapxanxa.

Inf.:    Pinkillx utachawi ukanakan ukax thuqhunxa, pinkillutx thuqhuxa Kuna  irpaqasiris, kasarasiris pinkullumpikinay nayraxa ukaxa, janiw tarqampis thuqkaspati kasarasirix ukax. Saran saraninwa. Ukax timpun timpun sistanxa jichhx jall ukaxa saran saraninwa. Ukax ukaw näyra musikanapax jupanakanxa. Machaq utarux wal phusxayañ thuqhuyañaxa.